“Шляхамі Максіма”

Наша вандроўка пачнецца з наведвання Літаратурнага музея М. Багдановіча, які месціцца ў Траецкім прадмесці. Там нас чакае экскурсія па адноўленай экспазіцыі музея.

Затым паедзем у “Фальварак Ракуцёўшчына” - музейны комплекс у в. Ракуцёўшчына Маладзечанскага раёна. Менавіта тут, у сядзібе Лычкоўскіх, летам 1911 г. гасцяваў класік беларускай літаратуры М. Багдановіч. Тут ён напісаў 2 цыклы вершаў: «Старая Беларусь» і «Месца» (усяго 17 вершаў) і 2 паэмы «Вераніка» і «У вёсцы».

Зараз «Фальварк Ракуцёўшчына» уключае ў сабе сядзібу Лычкоўскіх, тэрыторыю ля сядзібы, крыніцу Максіма, помнік і пісьменнікавы парк.